Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

sun 19. nóvember 2023 23:03

Brynjar Ingi Erluson

Age Hareide: Held að formúlan sé fundin

Åge Hareide í leiknum í kvöld

Mynd: Fótbolti.net - Hafliði Breiðfjörð

Hákon Rafn stóð sig vel

Mynd: Fótbolti.net - Hafliði Breiðfjörð

Åge Hareide, þjálfari íslenska karlalandsliðsins, telur sig hafa fundið formúluna að árangri liðsins, en þetta sagði hann við Fótbolta.net eftir 2-0 tapið gegn Portúgal í lokaleiknum í J-riðli í undankeppni Evrópumótsins í kvöld.

Lestu um leikinn: Portúgal 2 - 0 Ísland

Varnarleikur íslenska liðið var þéttur. Öll vörnin spilaði afar vel þrátt fyrir að úrslitin hafi ekki alveg sagt til um það, en Sverrir Ingi var þar sérstaklega áberandi.

Norski þjálfarinn sá margt jákvætt í leiknum og telur sig hafa fundið þá formúlu sem mun virka.

„Algerlega. Mér fannst þeir verjast mjög vel og við hefðum getað skorað undir lokin, þannig mér fannst allir sem komu að leiknum gera vel. Við vorum að spila við eitt besta lið Evrópu og held að við höfum fundið formúluna, svona ef við hugsum um umspilið í mars, það er að segja ef við höldum í þetta kerfi og hvernig við verjumst. Við þurfum bara að vera skarpari þegar við vinnum boltann og skilvirkari.“

„Ég er mjög ánægður með marga leikmenn, sérstaklega ungu leikmennina, en líka Sverri og Victor (Guðlaug Victor). Þeir vörðust vel með markverðinu sem átti góðan leik. Ég var ánægður með Hákon og við fundum það sem við vorum að leita að. Liðsandinn, skipulagið og hvernig á að vinna saman. Við eigum svo menn eins og Hákon, Gylfa og kannski Albert inni. Þetta lítur vel út,“ sagði Hareide.

Eins og hann talaði um þá spiluðu margir vel og samkeppnin því orðin meiri.

„Við þurfum þetta. Við eigum ekki svo marga leikmenn til að velja úr en góða leikmenn. Við skiptum fjórum mönnum og liðið varð sterkara, sem er auðvitað frábært fyrir mig sem þjálfara.“

Næsta verkefni Íslands er í janúar en það er ekki opinber landsleikjagluggi. Því munum við sjá marga leikmenn koma úr deildum á Norðurlöndunum og er það frábært tækifæri til að fá að skoða aðra hæfileikaríka stráka. Næst á eftir því kemur umspilið þar sem Ísland mun líklegast mæta Ísrael eða Wales.

„Við vonandi fáum marga af þessum leikmönnum með okkur til Bandaríkjanna í janúar. Að minnsta kosti fjórir eða fimm sem spiluðu í kvöld og svo skoðum við aðra hæfileikaríka leikmenn sem geta barist um sæti í hópnum,“ sagði hann í lokin.