Fótbolti.net

fim 20. febrúar 2020 14:30

Magnús Már Einarsson

Fellur Werder Bremen óvænt?

Werder Bremen hefur gengið illa í vetur.

Mynd: Getty Images

Hinn 41 árs gamli Claudio Pizarro er ennþá að spila með Werder Bremen.

Mynd: Getty Images

Florian Kohfeldt þjálfari Werder Bremen er ennþá með stuðning.

Mynd: Getty Images

Werder Bremen er það félag sem hefur spilað flesta leiki i þýsku Bundesligunni frá upphafi en félagið hefur spilað öll tímabil þar fyrir utan tímabilið 1980/1981. Mikil hætta er hins vegar á því að félagið missi sæti sitt í Bundesligunni í vor. Í augnablikinu er Werder Bremen í næstneðsta sæti í deildinni, fimm stigum frá öruggu sæti.

Werder Bremen gæti því fallið líkt og Hamburg gerði síðastliðið vor en það var í fyrsta skipti sem Hamburg féll um deild. Werder Bremen hefur tapað átta af síðustu tíu leikjum í deildinni og sjálfstraustið hjá liðinu er lítið. Fallbarátta var eitthvað sem enginn hjá Werder Bremen bjóst við fyrir tímabilið.

„Enginn bjóst við falli. Markmiðið var að komast í Evrópukeppni," sagði Christoph Bahr, fréttamaður hjá Weser Kurier.

Werder Bremen varð þýskur meistari árið 2004 og félagið var í Evróukeppni á síðasta tímabili og var stigi frá Evrópusæti síðastliðið vor. Núna er liðið með lélegustu vörnina í þýsku Bundesligunni og það tapaði 3-0 gegn RB Leipzig um síðustu helgi.

Átta mörk á heimavelli
Hvað hefur klikkað? Félagið seldi framherjann og fyrirliðann Max Kruse til Fenerbahce síðastliðið sumar og illa hefur gengið að fylla hans skarð. Hinn 41 árs gamli Claudio Pizarro kom í fjórða skipti til Werder Bremen sumarið 2018 en hann hefur ekki skorað í fjórtán leikjum í vetur.

Undanfarnar vikur hafa meiðsli leikið lið Werder Bremen grátt og allt að tíu byrjunarliðsmenn hafa verið á meiðslalistanum á sama tíma.

Werder Bremen hefur tapað fimm heimaleikjum í röð en mörkin á heimavelli í vetur eru einungis átta og lítið bendir til þess að liðið sé að fara að snúa gengi sínu við. Dieter Eilts, fyrrum leikmaður Wolfsburg, lýsti ástandinu í viðtali á dögunum.

„Miðjumennirnir biðja ekki um boltann. Allir eru að hugsa um sjálfa sig í stað þess að hjálpa öðrum. Það er mjög augljóst. Það vantar sjálfstraust og margir leikmenn vilja ekki fá boltann," sagði Eilts.

Áhyggjur af framtíðinni
Florian Kohfeldt, þjálfari Werder Bremen, hefur ennþá fullan stuðning til að snúa genginu við en hann hefur stýrt liðinu síðan 2017. Þjálfaraskipti virðast ekki vera í kortunum. Stuðningsmenn Werder Bremen hafa hins vegar miklar áhyggjur af framtíðinni.

„Það eru alvöru áhyggjur af því að ef Werder Bremen fellur þá muni liðið ekki snúa aftur í Bundesliguna. Stór félög eins og Kaiserslautern hafa lent í vandræðum eftir að hafa fallið. Það er viðvörun um það sem gæti gerst," sagði Bahr.

Hér má lesa ítarleaga grein Sky um vandræði Werder Bremen

		L	U	J	T	ms:	mf:	mun	Stig
1	Leverkusen	29	25	4	0	74	19	+55	79
2	Bayern	29	20	3	6	82	36	+46	63
3	Stuttgart	29	20	3	6	67	34	+33	63
4	RB Leipzig	29	17	5	7	67	33	+34	56
5	Dortmund	29	16	8	5	57	34	+23	56
6	Eintracht Frankfurt	29	10	12	7	43	39	+4	42
7	Augsburg	29	10	9	10	47	46	+1	39
8	Freiburg	29	11	6	12	41	52	-11	39
9	Hoffenheim	29	10	6	13	49	57	-8	36
10	Heidenheim	29	8	10	11	42	50	-8	34
11	Gladbach	29	7	10	12	50	56	-6	31
12	Werder	29	8	7	14	36	49	-13	31
13	Union Berlin	29	8	5	16	25	45	-20	29
14	Wolfsburg	29	7	7	15	34	50	-16	28
15	Bochum	29	5	12	12	34	59	-25	27
16	Mainz	29	5	11	13	30	47	-17	26
17	Köln	29	4	10	15	23	51	-28	22
18	Darmstadt	29	2	8	19	28	72	-44	14