Alfons Sampsted skoraði sitt fyrsta mark fyrir hollenska félagið Go Ahead Eagles í kvöld, en það dugði því miður til að komast í undanúrslit bikarsins.
Alfons kom til félagsins frá Birmingham á dögunum og átti ekki beint þá draumabyrjun sem hann óskaði sér.
Hann sá rauða spjaldið í 1-1 jafntefli gegn Volendam í hollensku deildinni um helgina, en hann var ekki lengi að bæta upp fyrir það.
Telstar fékk Go Ahead Eagles í heimsókn í 8-liða úrslitum bikarsins í kvöld og tók forystuna undir lok fyrri hálfleiks en Alfons jafnaði metin með fyrsta marki sínu fyrir Eagles snemma í þeim síðari.
Alfons fékk boltann inn í markteignum, kom sér framhjá markverðinum og lagði boltann í netið. Mjög snyrtilegt hjá Alfons, en mark hans var ekki nóg.
Sjö mínútum síðar kom sigurmark Telstar úr vítaspyrnu eftir að liðsfélagi Alfonsar handlék boltann í teignum.
Svekkjandi úrslit fyrir Alfons og félaga sem eru úr leik en þvílíka ævintýrið hjá Telstar sem situr í botnsæti hollensku úrvalsdeildarinnar með aðeins 16 stig.
Þetta er í annað sinn sem Telstar kemst í undanúrslit og í fyrsta sinn síðan 1992.
Alfons Sampsted blijft liggen en profiteert daarna van alle vrijheid ?#telgae pic.twitter.com/TyaHaMFV37
— ESPN NL (@ESPNnl) February 5, 2026
Athugasemdir
