EFL-deildin hefur dregið sex stig af enska B-deildarliðinu Leicester City fyrir brot á fjárhagsreglum en þetta kemur fram í yfirlýsingu deildarinnar í dag.
Stigafrádrátturinn er staðfestur og þýðir þetta að Leicester fer úr 17. sæti og niður í 20. sæti og er markatölu fyrir ofan fallsæti.
Þessi niðurstaða kemur eftir að Leicester var kært í maí 2024 fyrir brot á PSR-reglum deildarinnar, sem varða hagnað og sjálfbærni á þremur árum fram að tímabilinu 2023-2024.
Leicester féll úr úrvalsdeildinni síðasta vor og verið í miklum vandræðum á þessari leiktíð. Marti Cifuentes var látinn taka poka sinn í síðasta mánuði eftir slakan árangur og mun Andy King stýra liðinu til bráðabirgða.
Félagið er vonsvikið með úrskurð EFL-deildarinnar og er nú að skoða það að fara með málið lengra.
Upprunalega kæran kom frá ensku úrvalsdeildinni var síðan sett í hendur EFL-deildairnnar eftir að Leicester féll niður um deild. Leicester var ósátt með að horft var yfir 37 mánaða tímabil frekar en 36 mánaða vegna tafa á skilum á ársreikningi fyrir tímabilið 2023-2024.
Niðurstaða nefndarinnar var að líta á þetta sem 36 mánaða tímabil, en Leicester eyddi 20,8 milljónum punda umfram 83 milljóna punda takmörk EFL-deildarinnar.
Deildin gat dregið allt að tólf stig af Leicester, en nefndin ákvað að miða við hlutfallegslega umframeyðslu og komst að þeirri niðurstöðu að taka sex stig af liðinu vegna batnandi fjárhagsstöðu félagsins á matstímabilinu.
Leicester er án sigurs í síðustu fjórum deildarleikjum og raunverulegur möguleiki á því að liðið fari niður um deild annað árið í röð.
Stöðutaflan
England
Championship - karlar
England
Championship - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Coventry | 38 | 23 | 8 | 7 | 78 | 40 | +38 | 77 |
| 2 | Middlesbrough | 38 | 20 | 10 | 8 | 59 | 37 | +22 | 70 |
| 3 | Ipswich Town | 37 | 19 | 11 | 7 | 66 | 38 | +28 | 68 |
| 4 | Millwall | 38 | 20 | 8 | 10 | 52 | 43 | +9 | 68 |
| 5 | Hull City | 38 | 19 | 6 | 13 | 59 | 56 | +3 | 63 |
| 6 | Wrexham | 37 | 16 | 12 | 9 | 57 | 47 | +10 | 60 |
| 7 | Southampton | 37 | 15 | 12 | 10 | 60 | 48 | +12 | 57 |
| 8 | Derby County | 38 | 16 | 9 | 13 | 55 | 48 | +7 | 57 |
| 9 | Birmingham | 38 | 14 | 11 | 13 | 48 | 48 | 0 | 53 |
| 10 | Watford | 37 | 13 | 13 | 11 | 47 | 45 | +2 | 52 |
| 11 | Swansea | 38 | 15 | 7 | 16 | 44 | 46 | -2 | 52 |
| 12 | Norwich | 37 | 15 | 6 | 16 | 51 | 45 | +6 | 51 |
| 13 | Stoke City | 38 | 14 | 9 | 15 | 45 | 40 | +5 | 51 |
| 14 | Bristol City | 38 | 14 | 9 | 15 | 49 | 49 | 0 | 51 |
| 15 | Sheffield Utd | 38 | 15 | 5 | 18 | 53 | 52 | +1 | 50 |
| 16 | QPR | 38 | 14 | 8 | 16 | 49 | 60 | -11 | 50 |
| 17 | Preston NE | 38 | 12 | 13 | 13 | 42 | 48 | -6 | 49 |
| 18 | Charlton Athletic | 38 | 12 | 12 | 14 | 36 | 45 | -9 | 48 |
| 19 | Blackburn | 38 | 11 | 9 | 18 | 36 | 49 | -13 | 42 |
| 20 | Portsmouth | 37 | 10 | 10 | 17 | 36 | 48 | -12 | 40 |
| 21 | West Brom | 38 | 10 | 10 | 18 | 39 | 54 | -15 | 40 |
| 22 | Oxford United | 38 | 9 | 12 | 17 | 36 | 49 | -13 | 39 |
| 23 | Leicester | 38 | 11 | 11 | 16 | 51 | 60 | -9 | 38 |
| 24 | Sheff Wed | 38 | 1 | 9 | 28 | 23 | 76 | -53 | -6 |
Athugasemdir
