Atalanta 3 - 0 Juventus
1-0 Gianluca Scamacca ('27 , víti)
2-0 Kamaldeen Sulemana ('77 )
3-0 Mario Pasalic ('85 )
1-0 Gianluca Scamacca ('27 , víti)
2-0 Kamaldeen Sulemana ('77 )
3-0 Mario Pasalic ('85 )
Atalanta mun leika í undanúrslitum ítalska bikarsins í ár eftir að hafa unnið sannfærandi 3-0 sigur á stórliði Juventus í Bergamó í kvöld.
Gianluca Scamacca skoraði af vítapunktinum á 27. mínútu eftir að Bremer handlék boltann vinstra megin í teignum. Scamacca var öruggur, sendi Mattia Perin í vitlaust horn og kom Atalanta yfir.
Ganamaðurinn Kamaldeen Sulemana fór langt með að tryggja Atalanta sigurinn á 77. mínútu er fyrirgjöf Raoul Bellanova fór í gegnum alla varnarlínu Juventus og á Sulemana sem skoraði af stuttu færi.
Mario Pasalic drap síðan endanlega vonir Juventus með þriðja markinu á 85. mínútu eftir að gestunum mistókst að spila boltanum úr vörninni. Miðjumaðurinn Lorenzo Bernasconi komst inn í sendingu, kom boltanum á Nikola Krstovic sem lagði hann til hægri á Pasalic. Króatinn átti skot í fjærhornið framhjá hreyfingarlausum Perin í markinu og þar við sat.
Glæstur sigur Atalanta sem mun mæta Bologna eða Lazio í undanúrslitum. Þetta er í níunda sinn sem Atalanta kemst í undanúrslit, en sex sinnum hefur liðið komist í úrslitaleikinn og unnið keppnina einu sinni.
Athugasemdir
