Jan Oblak
Slóveninn Jan Oblak varð aðeins sjöundi markvörðurinn í sögu Meistaradeildar Evrópu til þess að spila hundrað leiki í keppninni en hann náði þessum merka áfanga í kvöld.
Oblak stóð á milli stanganna hjá Atlético Madríd í 1-1 jafntefli gegn Galatasaray.
Þessi 33 ára gamli markvörður hefur verið á mála hjá Atlético frá 2014 en hann tók við sem aðalmarkvörður ári síðar.
Á síðasta áratugnum hefur hann verið í hópi bestu markvarða heims og unnið fjóra titla með spænska liðinu.
Í kvöld náði hann svo þeim ótrúlega áfanga að leika 100. leik sinn í Meistaradeildinni og er aðeins sjöundi markvörðurinn sem hefur afrekað það. Þá er hann fyrsti Slóveninn sem spilar 100 leiki í keppninni.
Hann fer það í hóp með stórum nöfnum en Gianluigi Buffon, Manuel Neuer, Iker Casillas, Victor Valdes, Oliver Kahn og Petr Cech eru hin sex nöfnin á listanum.
Casillas leiðir listann með 177 Meistaradeildarleiki, en Neuer kemur næstur á eftir honum með 157 leiki.
Spænski boltinn er á Livey en hægt er að tryggja sér áskrift með því að smella á tengilinn
Athugasemdir
