Fótbolti.net

Kári Árna: Týndu synirnir eru komnir aftur heim

Viktor Bjarki aðstoðar Sölva: Verið draumur mjög lengi

Sölvi fengið góðan skóla og stígur nú í stóra skó - „Búinn að heilaþvo mann síðustu sex árin"

Endurnýjar kynnin við Arnar - „Vona að hann hafi lært eitthvað"

Arnar í draumastarfið: Ótrúlega ljúft en að sama skapi smá sorg

Eyþór með skýr markmið í nýju liði - „Þetta er bara mín vinna"

Atli Þór í skýjunum: Víkingur var eina liðið sem ég hafði auga á

Alex er kominn heim: Mig langaði að fara í bláu treyjuna aftur

Benoný stýrði víkingaklappinu með stuðningsmönnum eftir fyrsta leikinn sinn

Stígur út úr þægindarrammanum og fer norður - „Nú fer ég og kíki í mat til hennar"

Hákon segir allt risastórt hjá Lille - „Vinur minn vill að ég taki Nunez treyjuna"

Glódís Perla: Ótrúlega dýrmætt og mun aldrei gleyma því

Kominn heim eftir dvöl í Portúgal og á Ítalíu - „Er enn með stóra drauma"

Ekki erfitt að segja tengdapabba frá ákvörðuninni - „Tími til þess að breyta til"

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

sun 21. apríl 2024 22:10

Sölvi Haraldsson

Finnst línan vera óskýr - „Þeir máttu það í dag“

Mynd: Fótbolti.net - Hafliði Breiðfjörð

„Ég er mjög vonsvikinn.“ sagði Halldór Árnason, þjálfari Breiðabliks, eftir 4-1 tap gegn Víkingum í Víkinni í kvöld.

Lestu um leikinn: Víkingur R. 4 - 1 Breiðablik

Halldór er ánægður með hvernig hans menn byrjuðu báða hálfleikana en hann telur að menn brotnuðu í seinni hálfleik eftir þriðja mark Víkinga.

„Heilt yfir ágæt frammistaða. Þetta var frekar kaflaskiptur leikur. Við byrjum leikinn mjög vel og komumst í góðar stöður. Síðan deyr leikurinn á einhverjum kafla með föstum leikatriðum og einhverju kaósi. Áður en við vitum af erum við 2-0 undir sem er mjög erfið staða í Víkinni. Við komum mjög vel inn í seinni hálfleikinn en síðan fáum við þriðja markið á okkur og menn brotna bara. Þá er leiknum nánast lokið.“

Víkingar skoruðu tvö mörk í hvorum hálfeik og mörkin komu með mjög stuttu millibili.

„Í fyrri hálfleik missum við mómentið og boltinn er mikið í loftinu og mikið í föstum leikatriðum. Þeir eru góðir í því og leysa leikinn vel þar. Við breytum aðeins hjá okkur í hálfleik. Mér fannst seinni hálfelikurinn heilt yfir bara flottur. Þeir bjarga tvisvar á línu og við komum okkur í góðar stöður. Við þurfum að gera betur varnarlega, einn á móti einum.“

Breiðablik gerðu tvær breytingar á liðinu fyrir leik eftir 4-0 sigurinn gegn Vestra en Dóri vildi hafa Benjamin Stokke og Kristófer Inga saman upp á topp að berjast um löngu boltanna. Hann var hinsvegar ekki alveg viss með línuna hjá dómara leiksins í dag.

„Það er allur gangur á því hvernig línan er hjá dómurum. Hvort að Ekroth eða Vatnhamar megi keyra í bakið á mönnum eða ekki. Þeir máttu það í dag og þá verður þetta mjög erfiður leikur fyrir framherjana mína að taka á móti boltanum og það gekk ekki alveg eins og við vildum.“

Heilt yfir er Dóri samt sem áður sáttur með leik sinna manna í dag.

„Menn settu hjarta í þetta og voru duglegir. Við þurfum bara að gera betur í ákveðnum stöðum.“

Félagskiptaglugginn lokar í vikunni en Dóri staðfesti það að Breiðablik eru búnir að loka hópnum fyrir sumarið.

Leikirnir milli liðanna í fyrra voru mjög tíðindamiklir bæði innan sem utan vallar. Dóri fannst erfitt að bera leikina í fyrra og leikinn í kvöld saman.

„Það er erfitt að bera þetta saman. Liðin hafa breyst síðan þá. Bara leikir tveggja góðra liða.“ sagði Halldór Árnason, þjálfari Breiðabliks, að lokum eftir 4-1 tap á Víkingum.