Sveindís Jane.
Karólína Lea.
Sveindís Jane Jónsdóttir fór meidd af velli í leik Wolfsburg gegn Essen í þýsku deildinni í gær. Sveindís var í byrjunarliði Wolfsburg og var nálægt því að skora eftir átján mínútna leik en skalli hennar hafnaði í þverslá.
Um tveimur mínútum síðar var Sveindís sloppin ein í gegn eftir varnarmistök hjá Essen. Sophia Winkler, markvörður Essen, hljóp út úr markinu og sparkaði kröftuglega í sköflunginn á Sveindísi sem féll í grasið. Winkler fékk að líta rauða spjaldið fyrir brotið en Sveindís gat ekki haldið leik áfram.
Um tveimur mínútum síðar var Sveindís sloppin ein í gegn eftir varnarmistök hjá Essen. Sophia Winkler, markvörður Essen, hljóp út úr markinu og sparkaði kröftuglega í sköflunginn á Sveindísi sem féll í grasið. Winkler fékk að líta rauða spjaldið fyrir brotið en Sveindís gat ekki haldið leik áfram.
Framundan eru tveir gífurlega mikilvægir leikir fyrir kvennalandsliðið, leikir við Austurríki í undankeppni EM.
Fótbolti.net ræddi við Þorstein Halldórsson, þjálfara lansliðsins, í dag og var spurt út í Sveindísi.
„Ég reikna ekki með öðru en að hún verði klár, hún fékk skurð á hnéð og þurfti að fara út af. Hún var brött með þetta í gær," sagði Steini.
Hann sagði þá frá því að Karólína Lea Vilhjálmsdóttir hefði farið af velli í leik Leverkusen gegn Werder Bremen vegna veikinda. Karólína lék fyrri hálfleikinn.
Landsliðið kemur saman eftir næstu helgi.
Athugasemdir
