Þjóðadeild kvenna: Eingöngu útisigrar í umspilsleikjunum

Flestar þjóðir voru að spila umspilsleiki til að koma sér upp um deild, eða til að reyna að forðast fall, og voru það útivallarliðin sem báru sigur úr býtum í öllum umspilsleikjunum - að undanskildu jafntefli Íslands á útivelli gegn Serbíu.

Útiliðin eiga það öll sameiginlegt að vera þjóðir sem enduðu í þriðja sæti sinna deilda og eru að spila um að falla ekki niður um deild.

Heimaliðin eru hins vegar þjóðir sem enduðu í öðru sæti sinna deilda og eru að reyna að komast upp um deild.

A-deildarþjóðirnar Svíþjóð, Belgía og Noregur unnu þægilega sigra í kvöld á meðan Ísland lenti í basli í Serbíu.

Svíar rúlluðu yfir Bosníu og Belgar fóru létt með Ungverja, á meðan Noregur vann í Króatíu.

Sömu sögu er að segja um B-deildarþjóðirnar Norður-Írland, Slóvakíu og Úkraínu sem unnu þægilega útivallarsigra og héldu hreinu í leiðinni.

Seinni leikirnir eru allir eftir en heimaþjóðirnar eru allar í vænlegri stöðu. Ísland er verst statt en nægir sigur gegn Serbum til að halda sæti sínu í A-deildinni.

Serbía 1 - 1 Ísland

Bosnía 0 - 5 Svíþjóð

Ungverjaland 1 - 5 Belgía

Króatía 0 - 3 Noregur

Svartfjallaland 0 - 2 N-Írland

Búlgaría 0 - 4 Úkraína

Lettland 0 - 3 Slóvakía