Augnablik vann Gróttu 5-1 í Lengjudeild kvenna í kvöld.
„Ég er bara miður mín, það eru svona tilfinningar sem koma fyrst upp í hugann svona fljótlega eftir leik.“ sagði Magnús Örn Helgasson, þjálfari Gróttu, eftir 5-1 tap á móti Augnablik í Lengjudeild kvenna í kvöld.
Lestu um leikinn: Augnablik 5 - 1 Grótta
Gróttu liðið var 1-0 yfir þegar gengið var til hálfleiks en þegar flautað var til leiksloka var staðan 5-1 fyrir Augnablik.
„Við fengum það út úr leiknum sem við lögðum í hann. Jú, fyrri hálfleikur var augljóslega talsvert betri en þá var Augnabliks liðið líka langt frá sínu besta. Þær eru ofboðslega vel spilandi og fljótar fram og það er eitthvað sem við vissum.“
„Við ætluðum aðallega bara reyna að spila miklu betri fótbolta og vera miklu ákveðnari varnarlega, það er að vera ekki alltaf bara í eitthverjum reddingum, heldur að vinna hlutina svolítið fyrirfram og vera meira á þeirra helming.“
Í síðustu fimm leikjum sem Grótta hefur spilað hefur liðið tapað fjórum leikjum og gert eitt jafntefli. Magnús Örn segir þetta áhyggjuefni þjálfara.
„Já, þetta er tvennt í þessu, keppnisíþróttir í meistaraflokki snúast um að miklu leyti að vinna og tapa en svo ertu líka að horfa á aðra hluti. Við erum með tiltölulega ungt lið og hvernig er það að þróast og hvernig eru framfarirnar og annað. Það er andlega leiðinlegt og erfitt að ná í svona ótrúlega fá stig. Frammistaðan er búin að vera svona kanski sveiflukennt.“
Næsti leikur hjá Gróttu er á móti Völsung á Laugardaginn og segir Magnús að liðið sitt þarf að mæta mun sterkari andlega inn í þann leik.
„Það er bara mjög einfalt. Við þurfum sem heild að mæta miklu sterkari andlega inn í þann leik. Þurfum að leggja okkur meira fram og ákveðnari.“
Viðtalið í heild sinni má nálgast í spilaranum hér að ofan.
Athugasemdir