Alþjóðafótboltasambandið, FIFA, hefur gefið það út að ef leikmenn ákveða það að klæðast fyrirliðaböndum í regnbogalitum í leikjum þá eiga þeir hættu á að því að fá gula spjaldið.

Því ákváðu allar þjóðir að spila ekki með böndin enda mikil hætta á að missa leikmenn í bann.

FIFA hefur nú gengið skrefinu lengra og var óskað eftir því að Belgía myndi fjarlægja Love (e. ást) merki úr kraga treyjunnar. Þau litlu skilaboð þóttu ekki við hæfi en Batshuayi svaraði því á skemmtilegan hátt á Twitter í kvöld.

Hann deildi færslu ESPN á Twitter sem greinir frá þessari kröfu FIFA og bætti svo við textann.

„Ekkert mál. Ástin vinnur alltaf,“ skrifaði Batshuayi.