Í hlaðvarpsþættinum Dr. Football í dag var rætt um framtíð Guðmundar Þórarinssonar, Gumma Tóta.
Samningur Guðmundar við IFK Norrköping rann út í mánuðinum og er hann í leit að nýju félagi. Guðmundur er 27 ára gamall miðjumaður.
„Það var eitthvað verið að ræða það að hann (Guðmundur Þórarinsson) væri á leiðinni í MLS," sagði þáttarstjórnandinn, Hjörvar Hafliðason í Dr. Football í dag.
„Það er komið lið. Þetta er New York City," sagði Hjörvar.
Helstu stórstjörnurnar sem hafa leikið með New York City FC eru þeir Frank Lampard, Andrea Pirlo og David Villa.
