Frá leik ÍR og Leiknis síðasta sumar.
Fótboltadeild ÍR hefur boðað til upplýsingafundar fyrir ÍR-inga varðandi mögulega sameiningu ÍR og Leiknis.
Fundurinn fer fram næsta miðvikudag, þann 4. febrúar, í veislusal ÍR klukkan 20:00.
Starfshópur mun byrja fundinn á kynningu um verkefnið og að henni lokinni verður orðið laust fyrir spurningar eða ef menn vilja fá að tjá sig eitthvað nánar um verkefnið.
„Við hvetjum ÍR-inga og félagsmenn ÍR að mæta og kynna sér þetta nánar og spyrja þær spurningar sem hvíla á ykkur," segir í upplýsingum við viðburðinn á Facebook.
Fundurinn fer fram næsta miðvikudag, þann 4. febrúar, í veislusal ÍR klukkan 20:00.
Starfshópur mun byrja fundinn á kynningu um verkefnið og að henni lokinni verður orðið laust fyrir spurningar eða ef menn vilja fá að tjá sig eitthvað nánar um verkefnið.
„Við hvetjum ÍR-inga og félagsmenn ÍR að mæta og kynna sér þetta nánar og spyrja þær spurningar sem hvíla á ykkur," segir í upplýsingum við viðburðinn á Facebook.
Fyrr í vikunni fjallaði Fótbolti.net um að auknar líkur væru á því að liðin mæti sameinuð til leiks í fótboltanum frá og með næsta ári.
Viðræður hafa verið í gangi um að nýtt fótboltafélag myndi bera nafnið Breiðholt og taka þátt í öllum flokkum í karla- og kvennaflokki.
Meistaraflokkar karla hjá Leikni og ÍR leika báðir í Lengjudeildinni. Leiknir hefur ekki sent kvennalið til keppni í meistaraflokki síðan árið 2019, en kvennalið ÍR leikur í 2. deild.
Athugasemdir
