Neyðarfundur hjá Barcelona - Koeman að missa starfið?
Ronald Koeman
Mynd: Getty Images
Ronald Koeman
Mynd: Getty Images
Boðað hefur verið til neyðarfundar hjá stjórn Barcelona á Spáni en allir helstu miðlarnir á Spáni greina frá þessu í kvöld. Þetta kemur eftir 1-0 tap gegn Rayo Vallecano í deildinni en starf Ronald Koeman er í hættu.
Það virðist ekki spurning hvort heldur hvenær Koeman verður rekinn frá Barcelona.
Þessi umræða hefur verið í gangi í fleiri mánuði og virðist nú stjórn félagsins hafa fengið sig fullsadda af árangrinum á tímabilinu.
Börsungar töpuðu fyrir Rayo Vallecano í kvöld, 1-0. Liðið situr í 9. sæti og er með 15 stig, sex stigum frá toppliðunum.
Samkvæmt spænsku miðlunum hefur verið boðað til neyðarfundar hjá stjórn Barcelona og verður staða Koeman rædd á fundinum en það má gera ráð fyrir því að hann verði látinn fara frá félaginu.
Það hefur allt verið í rugli hjá Barcelona undanfarin ár. Félagið hefur tekið heimskulegar ákvarðanir í bland við kórónuveirufaraldurinn, og það hefur skilað liðinu miklum fjárhagsvandræðum. Út af þessum fjárhagsvandræðum, þá þurfti félagið að láta Lionel Messi fara í sumar.
Þessi umræða hefur verið í gangi í fleiri mánuði og virðist nú stjórn félagsins hafa fengið sig fullsadda af árangrinum á tímabilinu.
Börsungar töpuðu fyrir Rayo Vallecano í kvöld, 1-0. Liðið situr í 9. sæti og er með 15 stig, sex stigum frá toppliðunum.
Samkvæmt spænsku miðlunum hefur verið boðað til neyðarfundar hjá stjórn Barcelona og verður staða Koeman rædd á fundinum en það má gera ráð fyrir því að hann verði látinn fara frá félaginu.
Það hefur allt verið í rugli hjá Barcelona undanfarin ár. Félagið hefur tekið heimskulegar ákvarðanir í bland við kórónuveirufaraldurinn, og það hefur skilað liðinu miklum fjárhagsvandræðum. Út af þessum fjárhagsvandræðum, þá þurfti félagið að láta Lionel Messi fara í sumar.
