Sheffield United hafði tapað síðustu tveimur deildarleikjum sínum og þremur í röð með bikarnum, en það náði að hrista þá leiki af sér með flottum sigri á Ipswich.

Callum O'Hare og Andre Brooks komu United í 2-0 áður en flautað var til loka fyrri hálfleiks en Jack Clarke minnkaði muninn með marki úr vítaspyrnu hálftíma fyrir leikslok.

Patrick Bamford kom United aftur í tveggja marka forystu rúmum tuttugu mínútum fyrir leikslok en sá síðan sitt annað gula spjald á 84. mínútu og þar með rautt fyrir dýfu í teignum.

Sigurinn góður hjá Sheffield en afar vont að missa Bamford í bann sem hefur skorað fimm mörk í tólf leikjum fyrir liðið á tímabilinu. Sheffield er í 17. sæti með 35 stig en Ipswich í 3. sæti með 50 stig.

Leicester City tapaði fyrir Oxford, 2-1, á King Power-leikvanginum í Leicester og þá gerði Birmingham 1-1 jafntefli við Stoke City. Willum Þór Willumsson sat allan tímann á varamannabekknum hjá Birmingham sem er í 13. sæti með 39 stig.

Wrexham vann frábæran 3-2 útisigur á QPR í Lundúnum og er nú í 6. sæti með 44 stig en það er síðasta sætið sem gefur þátttökurétt í umspil um sæti í úrvalsdeildina. Það yrði rosalegt afrek fyrir félag sem spilaði í utandeildinni fyrir nokkrum árum.

Andri Lucas Guðjohnsen var þá ekki með Blackburn Rovers sem gerði 1-1 jafntefli við Watford. Andri hefur verið að glíma við meiðsli en það ætti að styttast í að hann mæti aftur á völlinn.

Blackburn er í 21. sæti með 29 stig og fyrir ofan fallsæti á markatölu.

Leicester City 1 - 2 Oxford United
0-1 Sam Long ('4 )
0-2 Mark Harris ('72 )
1-2 Issahaku Fatawu ('84 )

Birmingham 1 - 1 Stoke City
1-0 Tomoki Iwata ('42 )
1-1 Phil Neumann ('71 , sjálfsmark)

Sheffield Utd 3 - 1 Ipswich Town
1-0 Callum O'Hare ('38 )
2-0 Andre Brooks ('45 )
2-1 Jack Clarke ('60 , víti)
3-1 Patrick Bamford ('66 )
Rautt spjald: Patrick Bamford, Sheffield Utd ('84)

Hull City 2 - 1 Swansea
1-0 Oli McBurnie ('24 , víti)
2-0 Regan Slater ('39 )
2-1 Liam Cullen ('59 )

QPR 2 - 3 Wrexham
1-0 Harvey Vale ('6 )
1-1 Callum Doyle ('54 )
2-1 Steve Cook ('80 )
2-2 Josh Windass ('90 )
2-3 Ollie Rathbone ('90 )
Rautt spjald: Amadou Mbengue, QPR ('90)

Blackburn 1 - 1 Watford
0-1 Edo Kayembe ('26 )
1-1 Lewis Miller ('28 )

Bristol City 2 - 0 Sheffield Wed
1-0 Scott Twine ('64 )
2-0 Sam Bell ('78 )