Bæjarar höfðu farið í gegnum átján umferðir án taps og stefndi allt í sögulegt tímabil.

Japainn Hiroki Ito skoraði fyrir Bayern á 23. mínútu með skalla eftir hornspyrnu Michael Olise.

Staðan 1-0 fyrir Bayern í hálfleik en á lokakaflanum kom Augsburg með ótrúlega endurkomu. Arthur Chaves stangaði hornspyrnu Mert Komur í netið og sex mínútum síðar gerði franski miðjumaðurinn Han-Noah Massengo sigurmarkið eftir frábær spil gestanna.

Dimitrios Giannoulis átti skemmtilegt þríhyrningsspil á vinstri vængnum, kom síðan boltanum inn á miðjan teiginn á Massengo sem skoraði með föstu skoti og tryggði Augsburg frækinn sigur á toppliðinu.

Bayern er á fram á toppnum með 50 stig en Augsburg í 13. sæti með 19 stig.

Eintracht Frankfurt tapaði fyrir Hoffenheim, 3-1, á heimavelli og þá vann Mainz lið Wolfsburg með sömu markatölu.

Leipzig vann sannfærandi 3-0 sigur á Heidenheim og þá var Lucas Vazquez hetja Bayer Leverkusen í 1-0 sigri á Werder Bremen.

Eintracht Frankfurt 1 - 3 Hoffenheim
1-0 Arnaud Kalimuendo ('18 )
1-1 Max Moerstedt ('52 )
1-2 Ozan Kabak ('60 )
1-3 Aurele Amenda ('65 , sjálfsmark)

Bayern 1 - 2 Augsburg
1-0 Hiroki Ito ('23 )
1-1 Arthur Chaves ('75 )
1-2 Han-Noah Massengo ('81 )

Mainz 3 - 1 Wolfsburg
0-1 Mohamed Amoura ('3 )
0-1 Phillip Tietz ('22 , Misnotað víti)
1-1 Phillip Tietz ('68 )
2-1 Stefan Bell ('73 )
3-1 Nadiem Amiri ('83 , víti)

Heidenheim 0 - 3 RB Leipzig
0-1 Ridle Baku ('62 )
0-2 Antonio Nusa ('68 )
0-3 David Raum ('70 )

Bayer 1 - 0 Werder
1-0 Lucas Vazquez ('37 )