Fótbolti.net

Katla: Er alltaf að segja henni að koma og spila með íslenska landsliðinu

Sölvi Geir: Skotmarkið á okkur er stærra og við þurfum að gera meira

Arna Eiríks klár í slaginn: Ekki alveg þessi týpísku meiðsli

Gísli Eyjólfs: Hefði verið rómantík að fá að enda ferlana saman

Spáin kom Sigga á óvart: Eina sem þetta gerir er að henda bensíni á klúbbinn

Haraldur Freyr: Ætlum að ná í sigur í Frostaskjóli

Jói Kalli: Spurning hvort það verði Landeyjahöfn eða Þorlákshöfn

Ísak nýr fyrirliði FH: Var einn af þeim yngri en orðinn einn sá elsti

Kosinn bestur fyrir mót - „Stoltur og pínu kitl að leikmenn kjósi mann"

Hemmi segist elska Brazell - „Alltaf eitthvað blaður og bull“

Álitið - Hver fer í agabann?

Þrjú slit og fimm aðgerðir á milli marka - „Maður er svolítið eins og krakki aftur"

Bestur í Mjólkurbikarnum: Ferðalagið viðbjóður en er enginn sjómaður

Fer yfir leikinn sögulega - „Veit ekki hvað Jói Kalli hefði gert væri hann þarna“

Álitið - Hvað mun koma mest á óvart?

Ægir Jarl ræðir heimkomuna - „Kitlar rosalega að ná að spila“

Gunnar Már: Ætlum okkur stóra hluti í sumar

Arnór Ingvi: Hefðum viljað spila á Meistaravöllum og fá smjörþefinn af því sem koma skal

Óskar Hrafn: Leggst yfir okkur hræðsla sem við höfum ekki fundið fyrir í vetur

Frammistaðan ekki áhyggjuefni - „Skal hundur heita ef það verður skorað flottara mark í sumar“

mið 31. ágúst 2022 13:30

Guðmundur Aðalsteinn Ásgeirsson
Laugardalsvelli

Ásdís Karen: Eitthvað sem mann dreymir um að gera

Ásdís Karen Halldórsdóttir.

Mynd: Fótbolti.net - Hafliði Breiðfjörð

Skoraði sigurmarkið fyrir Val í bikarúrslitum.

Mynd: Fótbolti.net - Hafliði Breiðfjörð

„Þetta er ótrúlega flott umhverfi og geggjað að fá að æfa með þessum stelpum," segir Ásdís Karen Halldórsdóttir, leikmaður Vals, í samtali við Fótbolta.net.

Hún er í fyrsta sinn hluti af A-landsliðshópnum, en hún kom inn í hópinn fyrir Öglu Maríu Albertsdóttur á dögunum. Agla María er meidd.

„Þetta er auðvitað eitthvað sem ég hef stefnt að í einhvern tíma og það er gaman að fá kallið."

„Það er heiður að fá kallið í landsliðið og ég er mjög spennt. Ég myndi ekki segja að þetta hafi komið beint á óvart, en þetta er ótrúlega gaman. Þetta er eitthvað sem ég hef haft á bak við eyrað í nokkurn tíma. Maður stefnir alltaf að þessu, ég held að allir geri það. Þetta er mjög gaman."

Varð bikarmeistari um síðustu helgi
Síðasta laugardag skoraði Ásdís Karen sigurmarkið þegar Valur varð bikarmeistari í fyrsta sinn í ellefu ár. Hún hefur átt mjög gott tímabil með toppliði Bestu deildarinnar.

„Það var ógeðslega gaman, það er geggjuð tilfinning að vinna bikar. Þetta er í fyrsta sinn sem ég spila á þessum velli (Laugardalsvelli). Það var geðveikt, æðislegt."

„Að skora sigurmarkið er eitthvað sem mann dreymir um að gera. Þetta var geggjaður sigur hjá liðinu og ótrúlega gaman að vera með þessum stelpum," segir Ásdís Karen en hún er heilt yfir ánægð með tímabilið hjá Val.

„Mér finnst við hafa verið að stíga upp með hverjum leiknum. Við erum á góðu róli. Það eru fimm úrslitaleikir og við klárum þetta vonandi."

Við erum allar mjög spenntar
Framundan eru tveir mikilvægir leikir í undankeppni HM þar sem liðið er í góðum möguleika á því að komast áfram í lokakeppni heimsmeistaramótsins í fyrsta sinn.

Liðið spilar við Hvíta-Rússland á föstudaginn. „Stemningin er geggjuð og við erum allar mjög spenntar," segir Ásdís Karen sem sem mun án efa spila aftur á Laugardalsvelli og mun það mögulega gerast á föstudaginn.

Allt viðtalið er í spilaranum hér að ofan.

Leikirnir sem eru framundan:
2. september gegn Hvíta-Rússlandi (Laugardalsvöllur)
6. september gegn Hollandi (Stadion Galgenwaard)