Þórarinn Jónas Ásgeirsson og Guðjón Geir Geirsson hafa framlengt samninga sína við Ými og munu því stýra liðinu áfram á næsta tímabili.
Ýmir féll úr 3. deild á síðasta ári og var tvíeykið fengið til að takast á við það stóra verkefni að koma liðinu aftur upp.
Eftir langt og strangt tímabil hafðist það í lokaumferðinni með dramatískum 3-2 sigri á Hamri eftir að hafa lent tveimur mörkum undir í leiknum.
Ýmir mun því spila í 3. deildinni á næsta ári og er ljóst að Þórarinn Jónas og Guðjón Geir verða áfram við stjórnvölinn. Þeir skrifuðu undir nýjan eins árs samning í gær en þetta kemur fram í tilkynningu Ýmis.
Athugasemdir
