Það verður mikið um dýrðir þegar hið alþjóðlega knattspyrnumót Norway cup verður haldið í Osló í sumar dagana 29.júlí til 4.ágúst.
Mörg íslensk lið hafa tekið þátt á þessu gífurlega vinsæla móti og nú verður haldið upp á 40 ára afmæli þess í sumar.
Mótið er eitt það allra stærsta sinnar tegundar. En í fyrsta skiptið sem mótið var haldið tóku 422 lið þátt. Í dag taka í kringum 1500 lið þátt eða 30.000 leikmenn.
Lið allstaðar að úr heiminum mæta en alls koma lið frá í kringum 50 löndum. Til að mynda fór leikur fram á síðasta ári milli liðs frá Palestínu og Kenýu.
Eins og gengur og gerist á svona mótum er einnig ýmislegt annað um að vera heldur en bara fótbolti. Opnunarhátíðinni er sjónvarpað í beinni útsendingu frá norska ríkissjónvarpinu og þykir það mikið sjónarspil það sem fram fer þar.
Fulltrúar Norway cup voru á landinu í síðustu viku og spjölluðum við á Fótbolta.net við þá, en það má sjá í sjónvarpinu hér að ofan.
Fyrir þá sem vilja kynna sér mótið frekar geta kíkt inn á heimasíðu keppninnar hér, eða haft samband við íþróttadeild Úrvals Útsýnar.
