Stefán Þór tekur vítaspyrnuna sem hann skoraði þriðja markið úr.
,,Þetta var baráttusigur og í raun taktískur líka því að á undirbúningstímabilinu höfum við verið að pressa ofarlega á liðin en núna ákváðum við að falla aftur og það virkaði," sagði Stefán Þór Eyjólfsson fyrirliði Hattar eftir 1-3 sigur á Þrótti á Valbjarnarvelli í dag.
Höttur tefldi fram enska markverðinum Ryan Allsop sem kom frá Millwall rétt fyrir leik.
,,Ég var bara að sjá hann í fyrsta skipti í dag og hann stóð sig með prýði. Mér líst mjög vel á hann, hann á eftir að reynast okkur mjög vel í sumar, ég er fullviss um það."
Þetta var fyrsti leikur, og fyrsti sigur Hattar í 1. deild frá upphafi.
,,Það er mjög ánægjulegt að geta farið með þrjú stig í héraðið svo við förum fagnandi heim. Við bjugggumst við að vera spáð falli en við látum verkin tala."
