,,Það var stefnt á fyrsta sigurinn í dag, en hann kom ekki og það eru gríðarleg vonbrigði," sagði Magnús Gylfason þjálfari ÍBV eftir 1-1 jafntefli Eyjamanna gegn Fylki í Eyjum í dag. Eftir fjórar umferðir eru ÍBV með einungis tvo stig.
Lestu um leikinn: ÍBV 1 - 1 Fylkir
ÍBV sóttu með gríðarlegum vindi í fyrri hálfleik og þar af leiðandi á móti vindi í þeim seinni, þeir náðu mun meiri tök á boltanum í seinni hálfleik og voru líklegri aðilinn í seinni hálfleik,
,,Mér fannst við vera betri aðilinn, bæði í fyrri og seinni hálfleik, það var erfiðara að spila boltanum og skapa sér færi í fyrri hálfleik en seinni í hálfleik, þrátt fyrir mikið rok, þá spiluðum við þokkalega og sköpuðum fullt af færum en náðum því miður ekki að klára þau og það vantar herslumuninn ennþá og meðan það kemur ekki, þá vinnum við ekki leiki."
,,Þeir pökkuðu mönnum fyrir utan teiginn, þannig við vorum ekki að fá skot séns-a, en við skorum þó úr einu skoti fyrir utan teig en gáfum þeim síðan ódýrt mark uppúr hornspyrnu, einn bolti inn á miðjan vítateig og þar kemur óvaldaður maður og skallar boltann í netið, það er það sem svekkir mig mest í dag. Einstaklings mistök hjá okkur í hverjum einasta leik," sagði Magnús.
Meiðslalisti Eyjamanna hélt áfram að stækka í leiknum í dag, bæði Tonny Mawejje og Rasmus Steenberg Christiansen þurftu að fara upp á sjúkrahús í miðjum leik vegna meiðsla.
Viðtalið í heild sinni við Magnús Gylfason er hægt að sjá í sjónvarpinu hér að ofan.
