,,Ég er mjög ósáttur, við komum auðvitað til að sækja þrjú stig. Við vissum að það þyrfti margt að vera í lagi til þess að það myndi takast því FH-ingar eru með gott og frískt lið," sagði Jón Þór Brandsson þjálfari kvennaliðs KR eftir 2-1 tap gegn FH í kvöld.
,,Við vorum bara ekki tilbúin, sérstaklega ekki til að byrja með og duttum svolítið niður á hælana við að fá mark á okkur fljótt og gerðum þeim þetta auðvelt til að byrja með en sóttum í okkur veðrið og ég held að lengst af höfum við átt ákveðna möguleika til að minnka muninn. Því miður náðist ekki nema eitt mark."
,,Þetta er leikur sem við erum búin að leika núna tvo leiki í röð og ég vona að þessum kafla sé lokið. Við erum að gera okkur þetta óþarflega erfitt með því að gefa liðunum ákveðið forskot á fyrstu mínútunum."
KR liðið hefur haldið hreinu í seinni hálfleik í síðustu leikjum og verið sterkara en í þeim fyrri. En þarf hann ekki að svissa hálfleiks og fyrir leik ræðunum til að laga þetta?
,,Það er spurning sko hvort við snúum þessu við núna," sagði Jón Þór og hló. ,,En ræðan eftir leik er frekar leiðinleg, það má fara að breyta henni."
Nánar er rætt við Jón Þór í sjónvarpinu að ofan.
