Aron Bjarnason leikmaður Breiðabliks.
Skorar Daði Bergs í fyrsta leiknum?
Inkasso-deild karla byrjar á laugardaginn með tveimur leikjum og 1. umferðin lýkur síðan á sunnudaginn með fjórum leikjum.
Opnunarleikur deildarinnar er leikur Leiknis R. og Magna á Leiknisvelli og hefst sá leikur klukkan 16:00 á laugardaginn.
Aron Bjarnason, leikmaður Breiðabliks spáir í leiki 1. umferðarinnar.
Opnunarleikur deildarinnar er leikur Leiknis R. og Magna á Leiknisvelli og hefst sá leikur klukkan 16:00 á laugardaginn.
Aron Bjarnason, leikmaður Breiðabliks spáir í leiki 1. umferðarinnar.
Leiknir R. 1-1 Magni (16:00 á morgun)
Þetta er erfiður leikur að spá í en ég spái því að Bakpoka Palli sæki stig í Breiðholtið, 1-1.
Þór 3-1 Afturelding (16:30 á morgun)
Afturelding ætlar sér stóra hluti í Inkasso en Gregg Ryder og hans menn vinna nokkuð þægilega í fyrsta leik fyrir norðan 3-1.
Keflavík 2–2 Fram (14:00 á sunnudag)
Nonni Sveins er búinn að búa til hörku lið í Safamýrinni og þeir ætla sér upp. Capitano Jökull Steinn setur hann beint úr aukaspyrnu fyrir Framara. Hörkuleikur sem endar með 2-2 jafntefli.
Þróttur R. 2-0 Njarðvík (14:00 á sunnudag)
Mínir gömlu félagar í Þrótti taka sigur í fyrstu umferðinni. Litli skólinn Aron Þórður og efnilegasti pípari landsins Daði Bergs setja sitt hvort markið.
Víkingur Ó. 2-3 Grótta (14:00 á sunnudag)
Grótta mæta vel gíraðir í fyrsta leik og eru með skemmtilegt lið. Þeir sækja þrjú stig til Ólafsvíkur í markaleik.
Fjölnir 2-0 Haukar (14:00 á sunnudag)
Við Blikar mættum Haukum á Blásvöllum í vetur og lentum í veseni. Þeir eru öflugir á heimavelli en Fjölnismenn vinna þennan leik í Grafarvoginum 2-0, Albert Brynjar með mörkin.
Athugasemdir
