Búi Vilhjálmur.
Búi Vilhjálmur Guðmundsson hefur látið af störfum sem þjálfari Hauka í Inkasso-deild karla. Þetta staðfesti Halldór Jón Garðarsson formaður knattspyrnudeildar Hauka í samtali við Fótbolta.net.
Búi Vilhjálmur tók við Haukum í upphafi tímabils eftir að Kristján Ómar Björnsson sagði upp sem þjálfari liðsins eftir fjórar umferðir í Inkasso-deildinni.
Búi Vilhjálmur tók við Haukum í upphafi tímabils eftir að Kristján Ómar Björnsson sagði upp sem þjálfari liðsins eftir fjórar umferðir í Inkasso-deildinni.
„Haukar og Búi hafa komist að samkomulagi um að Búi hætti með liðið. Við tilkynnum á morgun hver tekur við liðinu," sagði Halldór Jón í samtali við Fótbolta.net.
Haukar eru í 10. sæti Inkasso-deildarinnar með 16 stig, jafn mörg stig og Magni sem er í 11. sæti deildarinnar en Magni mætir Njarðvík seinna í dag.
Síðasta verk Búa sem þjálfari Hauka var að gera 1-1 jafntefli gegn Aftureldingu á Ásvöllum á fimmtudaginn.
Haukar eru í mikilli fallbaráttu en Haukar eiga fjóra leiki eftir af tímabilinu. Næsti leikur Hauka er gegn Leikni í Breiðholtinu næstkomandi föstudag.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
