Bayer Leverkusen lánaði miðvörðinn unga Panagiotis Retsos til Sheffield United í gærkvöldi. Seinna um kvöldið staðfesti félagið komu Edmond Tapsoba frá Vitoria Guimaraes í Portúgal.
Tapsoba, sem verður 21 árs á morgun, er hávaxinn miðvörður sem á 8 leiki að baki fyrir landslið Búrkína Fasó.
Tapsoba skoraði sjö mörk í 30 leikjum fyrir varalið Guimaraes og var færður í aðalliðið, þar sem hann gerði fjögur mörk í 16 leikjum í efstu deild.
Leverkusen greiðir 15 milljónir evra fyrir Tapsoba sem skoraði einnig þrjú mörk í sex leikjum í undankeppni Evrópudeildarinnar síðasta haust.
Bayer Leverkusen er búið að vinna þrjá leiki í röð og situr í fimmta sæti þýsku deildarinnar, sex stigum frá toppnum.
Tapsoba mun berjast við menn á borð við Aleksandar Dragovic, Jonathan Tah og Sven Bender um byrjunarliðssæti.
⚫️🔴⚫️🆕🆒⚫️🔴⚫️ pic.twitter.com/AQBGxHPixu
— Bayer 04 Leverkusen (@bayer04_en) February 1, 2020
Athugasemdir