Calvert-Lewin: Skelfileg ákvörðun - Boltinn breytir um stefnu

Sóknarmaðurinn hélt hann hefði gert sigurmarkið í uppbótartíma en markið ekki dæmt gilt eftir að hafa verið endurskoðað með VAR.

Gylfi Þór Sigurðsson var flautaður rangstæður þar sem hann lá í vítateignum. Calvert-Lewin skoðaði endursýningu af atvikinu eftir lokaflautið og tjáði skoðun sína í beinni útsendingu á Sky Sports.

„Þetta er skelfileg ákvörðun, guð minn góður. Hann er ekki einu sinni að trufla sjónlínu markvarðarins," sagði Calvert-Lewin.

„Ég var ekki viss þegar þetta gerðist en eftir að hafa séð endursýningar þá finnst mér ekki eins og Gylfi trufli sjónlínuna.

„Hann er í rangstöðu, það er rétt, en boltinn fer af varnarmanni og breytir um stefnu. Þessi stefnubreyting tekur markvörðinn úr jafnvægi, hann er aldrei að fara að verja þennan bolta."

Everton er fimm stigum frá Man Utd í Evrópusæti eftir jafnteflið.

Calvert-Lewin hefur verið funheitur upp á síðkastið og er búinn að skora fimm mörk í síðustu sex leikjum.