Crysencio Summerville
Burton Albion 0 - 1 West Ham
0-1 Crysencio Summerville ('95 )
Rautt spjald: Freddie Potts, West Ham ('101)
0-1 Crysencio Summerville ('95 )
Rautt spjald: Freddie Potts, West Ham ('101)
West Ham lenti í vandræðum með C-deildarlið Burton þegar liðin mættust í enska bikarnum í dag.
Burton var betri aðilinn í fyrri hálfleik en West Ham setti í annan gír í seinni hálfleik en tókst ekki að koma boltanum í netið.
Það þurfti því að framlengja leikinn og þegar fimm mínútur voru liðnar af framlengingunni átti Crysencio Summerville góðan sprett og skoraði með laglegu skoti.
Stuttu síðar lenti West Ham í vandræðum þegar Freddie Potts fékk að líta rauða spjaldið. Leikmenn Burton fengu spark í rassinn eftir það og það var einstefna í átt að marki West Ham sem þeim tókst hins vegar ekki að nýta sér.
Summerville fékk tækifæri til að innsigla sigur West Ham eftir slæm mistök í vörn Burton en skot hans fór í hliðarnetið. Burton fékk tækifæri í blálokin, Kgaogelo Chauke fékk boltann inn á teignum en átti skot í hliðarnetið.
Athugasemdir
