McFarlane: Gátum ekki haldið sama orkustigi

Chelsea vann 2-1 á heimavelli og situr núna í bílstjórasætinu í baráttunni um eina Sambandsdeildarsæti deildarinnar.

Lærlingar McFarlane eiga þar að auki möguleika á að stökkva upp um eitt sæti og tryggja sér þannig þátttökurétt í Evrópudeildina. Til að komast í Evrópudeildina þarf Chelsea að sigra Sunderland á útivelli og vonast eftir hagstæðum úrslitum í leik Brighton gegn Manchester United þegar lokaumferðin fer fram á sunnudag.

„Þetta var ljótur leikur á köflum en ég er stoltur af strákunum fyrir að hafa verið grimmir og haldið forystunni til leiksloka. Við vissum að við gætum ekki haldið sama orkustigi og þeir út leikinn eftir að við spiluðum úrslitaleik um helgina," sagði McFarlane, sem gerði fjórar breytingar á byrjunarliðinu eftir naumt tap gegn Manchester City í úrslitaleik FA bikarsins um helgina.

„Við sýndum seiglu og baráttuanda til að standa uppi sem sigurvegarar gegn ferskum og metnaðarfullum andstæðingum sem höfðu fengið næga hvíld fyrir leikinn. Við erum ánægðir að vinna á heimavelli eftir slæmt gengi í síðustu leikjum."

TENGT EFNI19.05.26 - 21:13

England: Chelsea vann Tottenham sem gæti fallið á sunnudag