De Zerbi: Heiður og stolt félagsins er undir

Tottenham gat forðast fall úr ensku úrvalsdeildinni með jafntefli eða sigri en fer þess í stað inn í lokaumferðina í fallhættu. Tottenham nægir jafntefli á heimavelli gegn Everton til að forðast fall.

„Við áttum góðan leik, úrslitin réðust af smáatriðum. Við klúðruðum færi snemma leiks og svo skoraði (Enzo) Fernández af 30 metra færi. Við vörðumst ekki nægilega vel í fyrra markinu og svo gáfum við þeim boltann í seinna markinu," sagði De Zerbi en Randal Kolo Muani átti skelfilega sendingu sem endaði með marki frá Andrey Santos.

„(Mathys) Tel og Richarlison fengu góð færi til að skora og við vorum óheppnir að fá ekki stig úr þessum leik. Við erum með 8 stig í 6 leikjum frá því að ég tók við og við höfum verið óheppnir með úrslit.

„Ég hef fulla trú á því að við séum með gæðin sem þarf til að forðast fall. Síðustu 20 mínúturnar spiluðum við af meiri gæðum útaf því að James Maddison er ótrúlegur fótboltamaður en hann getur ekki spilað meira en 20 til 25 mínútur á leik eins og staðan er í dag.

„Við eigum úrslitaleik næsta sunnudag og öll okkar einbeiting fer í hann. Á næstu leiktíð getum við barist um titla en á sunnudaginn spilum við mikilvægari leik. Heiður og stolt félagsins er undir. Það er hægt að vinna og tapa titlum og ekkert breytist í lífinu manns, en maður má ekki tapa heiðrinu og stoltinu. Tottenham vann úrslitaleik Evrópudeildarinnar í fyrra en næsti leikur er mikilvægari."