Björn Berg Bryde og Jökull Elísabetarson.
Það vakti athygli í síðustu viku að Björn Berg Bryde er ekki lengur aðstoðarþjálfari Stjörnunnar í Bestu deild karla.
Fótbolti.net reyndi að fá útskýringu á þessari ákvörðun en enginn af aðilum tengdum málinu vilja tjá sig.
Fótbolti.net reyndi að fá útskýringu á þessari ákvörðun en enginn af aðilum tengdum málinu vilja tjá sig.
Samkvæmt heimildum Fótbolta.net tengist þetta mál utanlandsferð sem Björn hafði pantað sér í janúar og óánægja var með innan Stjörnunnar að hann færi út þegar undirbúningstímabilið væri í gangi.
Rætt var um málið í útvarpsþættinum Fótbolti.net á X977 um liðna helgi. Við höfum svo fengið staðfest að hann hafi verið látinn fara eftir að hafa ákveðið að fara út til að vera viðstaddur stórafmæli hjá móður sinni á Spáni.
Björn Berg lagði fótboltaskóna á hilluna eftir tímabilið 2023 og fór inn í þjálfarateymið sem aðstoðarmaður Jökuls Elísabetarsonar og var í því hlutverki á síðasta tímabili.
Athugasemdir
