Fótbolti.net

lau 04. mars 2023 22:15

Ívan Guðjón Baldursson

Spánn: Atletico skoraði sex gegn Sevilla

Mynd: EPA

Atletico Madrid gjörsamlega sundurspilaði Sevilla er liðin mættust í stórleik dagsins í spænska boltanum.

Hollenski rapparinn Memphis Depay fór á kostum í fyrri hálfleik þar sem hann skoraði tvö mörk með þriggja mínútna millibili og var fyrra markið einstaklega laglegt þar sem hann skoraði með föstu skoti utan vítateigs.

Youssen En-Nesyri minnkaði muninn fyrir Sevilla og leiddi Atletico verðskuldað 2-1 í leikhlé. Flóðgáttirnar opnuðust í síðari hálfleik þegar heimamenn í Madríd sundurspiluðu gestina og uppskáru með fjórum mörkum.

Antoine Griezmann skoraði með flottu skoti utan teigs og bætti Yannick Carrasco svo við marki áður en Alvaro Morata kom inn af bekknum fyrir Memphis. Morata er í samkeppni við Memphis um sæti í byrjunarliðinu og ætlaði ekki að vera minni maður svo hann skellti í tvennu sjálfur.

Lokatölur urðu 6-1 sem er sögulegur sigur fyrir Atletico í sögulegum leik fyrir Diego Simeone þjálfara, sem er nú orðinn leikjahæsti þjálfari í sögu Atletico.

Liðið er í þriðja sæti spænsku deildarinnar, fjórtán stigum eftir toppliði Barcelona. Atletico er þó fimm stigum frá Evrópudeildarsætunum og þarf að halda áfram á sömu sigurbraut til að halda Meistaradeildarsætinu sínu.

Sjáðu glæsimark Memphis
Sjáðu glæsimark Griezmann

Atletico Madrid 6 - 1 Sevilla
1-0 Memphis Depay ('23)
2-0 Memphis Depay ('26)
2-1 Youssef En-Nesyri ('39)
3-1 Antoine Griezmann ('53)
4-1 Yannick Carrasco ('69)
5-1 Alvaro Morata ('76)
6-1 Alvaro Morata ('92)
Rautt spjald: Pape Gueye, Sevilla ('81)

Fyrr í kvöld áttust Mallorca og Elche við og vann botnlið Elche afar óvæntan sigur.

Þetta er aðeins annar sigur Elche á deildartímabilinu, einum mánuði eftir fyrsta sigurinn. Elche er með 12 stig eftir 24 umferðir, heilum 13 stigum frá öruggu sæti í deild.

Þetta tap eru mikil vonbrigði fyrir Mallorca sem er að dragast afturúr í baráttunni um Evrópusæti.

Lucas Boye gerði eina mark leiksins á 88. mínútu og voru heimamenn nálægt því að jafna í uppbótartíma. Vedat Muriqi kom boltanum í netið fyrir Mallorca en ekki dæmt mark vegna brots í aðdragandanum. Þetta voru gríðarlega dramatískar lokamínútur þar sem það tók VAR-teymið tæpar fjórar mínútur að úrskurða um hvort það hafi verið brot í aðdragandanum.

		L	U	J	T	ms:	mf:	mun	Stig
1	Real Madrid	34	27	6	1	74	22	+52	87
2	Girona	35	23	6	6	75	44	+31	75
3	Barcelona	34	22	7	5	70	43	+27	73
4	Atletico Madrid	34	21	4	9	63	39	+24	67
5	Athletic	34	17	10	7	55	33	+22	61
6	Real Sociedad	34	14	12	8	48	35	+13	54
7	Betis	34	13	13	8	43	39	+4	52
8	Valencia	34	13	8	13	37	39	-2	47
9	Villarreal	34	12	9	13	56	58	-2	45
10	Getafe	34	10	13	11	41	47	-6	43
11	Alaves	35	11	9	15	34	40	-6	42
12	Sevilla	34	10	11	13	45	46	-1	41
13	Osasuna	34	11	6	17	37	51	-14	39
14	Las Palmas	34	10	7	17	30	43	-13	37
15	Vallecano	34	7	13	14	27	43	-16	34
16	Celta	34	8	10	16	40	52	-12	34
17	Mallorca	34	6	14	14	27	40	-13	32
18	Cadiz	34	4	14	16	23	49	-26	26
19	Granada CF	34	4	9	21	36	64	-28	21
20	Almeria	34	2	11	21	33	67	-34	17