„Það er mjög gott að fá strax þrjú stig í fyrsta leik,'' segir Freyja Stefánsdóttir, leikmaður Víkings, eftir 2-1 sigur gegn Stjörnunni í 1. umferð Bestu deild kvenna.
Lestu um leikinn: Víkingur R. 2 - 1 Stjarnan
Freyja skoraði fyrsta mark leiksins innan við fyrstu mínútu leiksins og var með því fyrsti markaskorari í deildinni þetta tímabil.
„Það var mjög sterkt að fá strax mark inn í leikin og vera komnar yfir og geta aðeins slakað á. Það er gott að vera strax búin að stimpla sig inn.''
Leikurinn var mjög jafn nánast allan tíman. Freyja var spurð hvort henni fannst þau eiga sigurinn skilið.
„Já klárlega, við vorum með fullt af færum og hefðum átt að skora fleiri mörk í leiknum,''
Freyja tók þátt í því að koma U19 landsliðinu á EM.
„Það var geggjað, þetta var frábær ferð og geggjað að vera fara á EM núna í sumar.''
Hægt er að horfa á viðtalið í heild sinni hér fyrir ofan.
