CIES Football Observatory hefur gefið út nýja skýrslu þar sem tekið er saman heildarverð á leikmannahópum heimsfótboltans, þar er bæði tekinn inn kostnaður við leikmannakaup og lánsamninga.

Flestir myndu líklega giska á að Manchester City væri með dýrasta leikmannahópinn en svo er ekki. City er í þriðja sæti, á eftir tveimur öðrum liðum í ensku úrvalsdeildinni.

Manchester United eyddi 200 milljónum punda í leikmannakaup í sumar og er rétt á undan grönnum sínum. Á toppnum er hinsvegar Chelsea, sem hefur farið hamförum á leikmannamarkaðnum síðustu glugga.

Eina félagið utan Evrópu sem kemst á topp 20 listann er Al-Hilal í Sádi-Arabíu.