Fotbolti.net
05.11.25 - 20:13
Elvar Geir Magnússon

Luiz kóngurinn í vörninni í sögulegum sigri

David Luiz í leiknum gegn Villarreal.

David Luiz í leiknum gegn Villarreal.

Canon

Mynd: EPA

David Luiz er enn í fullu fjöri og átti stórleik í vörn kýpverska meistaraliðsins Pafos sem sigraði Villarreal 1-0 í Meistaradeildinni í kvöld. Luiz er 38 ára og fyrrum leikmaður Arsenal, Chelsea og brasilíska landsliðsins.

Luiz hefur undanfarin ár leikið heima í Brasilíu en gekk í raðir Pafos í sumar frá Fortaleza.

Þetta var fyrsti Meistaradeildarsigur Pafos í sögunni en það eru aðeins ellefu ár síðan félagið var stofnað, með sameiningu AEK Kouklia og AEP Paphos.
Meistaradeildin: Garnacho bjargaði stigi fyrir Chelsea í Bakú
TENGT EFNI

Meistaradeildin: Garnacho bjargaði stigi fyrir Chelsea í Bakú

Hollenski varnarmaðurinn Derrick Luckassen skoraði sigurmarkið sögulega á 46. mínútu eftir hornspyrnu. Forseti Kýpur, Nikos Christodoulides, er stuðningsmaður Pafos og var á vellinum en missti af markinu þar sem hann var enn að njóta veitinga í hálfleiknum.

Pafos spilar heimaleiki sína í Limassol þar sem heimavöllur liðsins uppfyllir ekki kröfur UEFA.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.