Ísland fann frækinn sigur í kvöld.
Þjóðverjar eru afar þakklátir Íslandi eftir úrslit kvöldsins í Þjóðadeild kvenna.
Ísland gerði sér lítið fyrir og skellti Danmörku á útivelli í Viborg. Danir voru sigurvissir fyrir leikinn og buðu upp á flugeldasýningu inn á vellinum.
Ísland gerði sér lítið fyrir og skellti Danmörku á útivelli í Viborg. Danir voru sigurvissir fyrir leikinn og buðu upp á flugeldasýningu inn á vellinum.
Lestu um leikinn: Danmörk 0 - 1 Ísland
„Danirnir ætluðu að vera með svaka sýningu. Þeir byrjuðu á flugeldum og svo komum við með flugeldana inn á vellinum," sagði markvörðurinn Fanney Inga Birkisdóttir, sem var stórkostleg í kvöld, við RÚV eftir leikinn.
Þýskaland og Danmörk voru jöfn að stigum fyrir leikinn en Þjóðverjar voru klaufar gegn Wales. Niðurstaðan þar var jafntefli og náði Wales í sitt fyrsta stig í riðlinum.
Þýskaland skildi þannig hurðina eftir opna fyrir Danmörku. Þær þurftu bara að vinna Ísland, en það tókst ekki. Ísland vann 1-0 sigur og Karólína Lea Vilhjálmsdóttir er ein sú vinsælasta í Þýskalandi eftir að hafa skorað sigurmark Íslands í kvöld. Hún spilar einmitt í Þýskalandi með Bayer Leverkusen.
Þýskaland fer þannig í úrslitakeppni Þjóðadeildarinnar og á möguleika á því að komast á Ólympíuleikana næsta sumar, en möguleikar Danmerkur eru úti.
— Jess {Sam Carpenter ??????} ?????????? (@Jess_No_10) December 5, 2023
Everyone say thank you https://t.co/fHl89v06k3
— Melly ? | (@Zadraball) December 5, 2023
Athugasemdir
