Breiðablik mætti portúgalska liðinu Sporting á Kópavogsvelli í dag í forkeppni Meistaradeildar kvenna. Portúgalarnir unnu Breiðablik 2-0 eftir tvö mörk frá Telmu Encarnação.
Lestu um leikinn: Breiðablik 0 - 2 Sporting
Telma Encarnação braut ísinn snemma leiks eftir að Blikar töpuðu boltanum á hættulegum stað. Telma og Neto Cláudia spiluðu vel á milli sín áður en Telma Encarnação kláraði að lokum.
Þrátt fyrir nokkur fín færi hjá Breiðablik var staðan 1-0 fyrir Sporting í hálfleik og mjög mikilvægar 45 mínútur framundan.
Seinni hálfleikurinn fór afar rólega af stað en það dróg ekki til tíðinda fyrr en á 74. mínútu leiksins þegar að Telma Encarnação var aftur á ferðinni. Hún fór þá framhjá nöfnu sinni í marki Breiðabliks, Telmu Ívarsdóttur, og kláraði vel.
Lokatölur 2-0 fyrir Sporting. Þetta var annar leikur Breiðabliks í forkeppninni en þær mættu FC Minsk í vikunni og unnu þann leik 6-1.
Breiðablik 0 - 2 Sporting
0-1 Telma Encarnação ('4 )
0-2 Telma Encarnação ('74 )
