England í dag - Kemst Tottenham aftur á sigurbraut?

Everton tekur á móti Newcastle United á Goodison Park. Everton hefur verið að spila ágætis fótbolta undanfarið, en nú mætir það einu erfiðasta liði deildarinnar, Newcastle.

Everton getur með sigri komist upp úr fallsæti á meðan Newcastle getur komið sér upp í 5. sæti deildarinnar.

Tottenham mætir þá West Ham klukkan 20:15 á Tottenham leikvanginum í Lundúnum. Tottenham sat í toppsæti deildarinnar í fyrstu umferðunum en hefur ekki unnið í síðustu fjórum og er nú komið í 5. sæti deildarinnar. West Ham hefur verið á fínu róli og unnið tvo og gert eitt jafntefli í síðustu þremur leikjum.

Leikir dagsins:
19:30 Everton - Newcastle
20:15 Tottenham - West Ham