Víkingur og Breiðablik hafa óskað eftir frestun á leikjum sínum sem eiga að fara fram á sunnudag. Þetta hefur Fótbolti.net fengið staðfest eftir að Kristján Óli Sigurðsson vakti athygli á tíðindunum með færslu á X.
Félögin sendu sameiginlegt skeyti á KSÍ og óskuðu eftir frestun. Víkingur á að spila gegn Stjörnunni á sunnudag og Breiðablik á leik gegn Val.
Félögin sendu sameiginlegt skeyti á KSÍ og óskuðu eftir frestun. Víkingur á að spila gegn Stjörnunni á sunnudag og Breiðablik á leik gegn Val.
Víkingur og Breiðablik eru bæði í mjög góðri stöðu í Evrópueinvígum sínum eftir úrslit kvöldsins.
Breiðablik gerði 1-1 jafntefli við bosnísku meistarana í Zrinjski Mostar á útivelli og Víkingur vann stórkostlegan 3-0 sigur á Bröndby í Víkinni. Breiðablik er í 3. umferð forkeppninnar í Evrópudeildinni og Víkingur er i 3. umferð forkeppninnar í Sambandsdeildinni. Seinni leikirnir í einvíginu fara fram næsta fimmtudag; Víkingar fara til Kaupmannahafnar og Breiðablik tekur á móti Zrinjski á Kópavogsvelli.
Ef Breiðablik slær út Zrinjski mætir liðið annað hvort Servette frá Sviss eða Utrecht frá Hollandi í einvígi um sæti í sjálfri Evrópudeildinni. Ef Víkingur slær út Bröndby mætir liðið franska liðinu Strasbourg í einvígi um sæti í Sambandsdeildinni.
Bröndby á deildarleik á móti Vejle á sunnudag en Zrinjski spilar ekki í deildinni heima fyrir fyrr en einhvern tímann eftir einvígið við Breiðablik.
Leikjaplanið eins og það lítur út núna
sunnudagur 10. ágúst
19:15 Víkingur R.-Stjarnan (Víkingsvöllur)
19:15 Valur-Breiðablik (N1-völlurinn Hlíðarenda)
fimmtudagur 14. ágúst
17:30 Breiðablik-Zrinjski (Kópavogsvöllur)
17:30 Bröndby IF-Víkingur R. (Bröndby Stadion)
Skýrslur kvöldsins:
Víkingur og Breiðablik hafa óskað eftir frestun á leikjum sínum um helgina.
— Kristján Óli Sigurðsson (@kristjanoli) August 8, 2025
Mikið í húfi fyrir íslenska knattspyrnu. Verður fróðlegt að sjá viðbrögð KSÍ.#HeimavinnaHöfðingjas pic.twitter.com/dlefbPIpHN
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 17 | 10 | 4 | 3 | 44 - 23 | +21 | 34 |
| 2. Víkingur R. | 17 | 9 | 5 | 3 | 31 - 20 | +11 | 32 |
| 3. Breiðablik | 17 | 9 | 5 | 3 | 29 - 22 | +7 | 32 |
| 4. Fram | 17 | 7 | 4 | 6 | 26 - 22 | +4 | 25 |
| 5. Stjarnan | 17 | 7 | 4 | 6 | 30 - 28 | +2 | 25 |
| 6. Vestri | 17 | 7 | 2 | 8 | 16 - 15 | +1 | 23 |
| 7. ÍBV | 17 | 6 | 3 | 8 | 16 - 24 | -8 | 21 |
| 8. Afturelding | 17 | 5 | 5 | 7 | 20 - 25 | -5 | 20 |
| 9. FH | 17 | 5 | 4 | 8 | 28 - 25 | +3 | 19 |
| 10. KA | 17 | 5 | 4 | 8 | 17 - 32 | -15 | 19 |
| 11. KR | 17 | 4 | 5 | 8 | 37 - 40 | -3 | 17 |
| 12. ÍA | 17 | 5 | 1 | 11 | 18 - 36 | -18 | 16 |
Athugasemdir
