Liðið vann Liverpool um síðustu helgi og Lepetegui, sem er fyrrum landsliðsþjálfari Spánar, vonast til að halda framþróuninni áfram. Á stjóraferli sínum hefur hann unnið Evrópudeildina með Sevilla ásamt því að stýra Porto og Real Madrid.

„Ég vonast eftir því að vera hérna lengi því þetta er frábær staður fyrir hvaða þjálfara sem er. Enska úrvalsdeildin er í mínum huga besta keppni heims. Ég kom hingað því Wolves vildi fá mig og þeir lögðu mikla vinnu í það," segir Lopetegui við BBC.

„Það beið mín erfið en spennandi áskorun. Líf þjálfarans er þannig að við byrjum klukkan 8 á morgnana og hættum 9 á kvöldin. Við borðum og sofum áður en næsti vinnudagur tekur við. Ég nýt starfsins og þetta er spennandi. Þetta er kannski erfiðara fyrir fjölskylduna og ég skil það. Ég er svo heppinn að eiga skilningsríka fjölskyldu."