Lengjubikar kvenna: Breiðablik fylgir Val í undanúrslitin

Breiðablik er með fullt hús stiga og er komið í undanúrslit Lengjubikarsins eftir sigur á Keflavík í dag.

Markalaust var í hálfleik en Saorla Lorraine Miller kom Keflavík yfir eftir rúmlega klukkutíma leik.

Keflvíkingar héldu forystunni ekki lengi en Blikar fengu vítaspyrnu stuttu síðar og Agla María Albertsdóttir skoraði úr henni.

Það var síðan Birta Georgsdóttir sem kom Blikum yfir undir lok leiksins og tryggði liðinu sigur.

Það er stórleikur í lokaumferðinni þar sem Breiðablik fær Val í heimsókn en liðin eru þegar komin áfram.