Chris Kavanagh, dómari, sýndi Nketiah gula spjaldið á 75. mínútu fyrir brot á Justin James. Kavanagh ákvað síðan að skoða atvikið aftur í sjónvarpsskjá eftir að hafa rætt við VAR teymið. Í kjölfarið breytti hann spjaldinu í rautt spjald.

„Síðastliðið árið hef ég aldrei séð dómara skoða myndir. Ég skil ekki reglurnar en ég breyti engu núna," sagði Mikel Arteta, stjóri Arsenal, ósáttur.

Arteta fannst Jamie Vardy, sóknarmaður Leicester, verðskulda rauða spjaldið fyrir að fara með skó sinn í andlit Shkodran Mustafi eftir að hafa fallið til jarðar.

Nketiah gæti misst af leikjum gegn Tottenham, Liverpool og gegn Manchester City í undanúrslitum bikarsins.

Enska knattspyrnusambandið mun taka ákvörðun í vikulok.