Enska B-deildarfélagið Sheffield Wednesday hefur sagt skilið við enska knattspyrnustjórann Garry Monk en þetta kemur fram í tilkynningu frá félaginu í kvöld.
Monk tók við Wednesday í september á síðasta ári eftir að Steve Bruce yfirgaf félagið og tók við Newcastle United.
Wednesday hafnaði í 16. sæti á fyrsta tímabili hans þar en byrjunin á þessari leiktíð er skelfing.
Liðið er í næst neðsta sæti deildarinnar með 6 stig og þvi ákváðu stjórnarmenn félagsins að gera breytingar rétt fyrir landsleikjahlé en Monk var sagt upp störfum í kvöld.
Ekki er ljóst hver mun taka við keflinu en Paul Cook, fyrrum stjóri Wigan, er talinn líklegastur.
Athugasemdir