Belgíski sóknarmaðurinn Michy Batshuayi er kominn til Crystal Palace á láni frá Chelsea út tímabilið.
Batsuhayi skoraði sex mörk í þrettán leikjum á láni hjá Palace síðari hlutann á þarsíðasta tímabili.
Batshuayi var á eftir Timo Werner, Olivier Giroud og Tammy Abraham í röðinni hjá Chelsea. Palace mun greiða hluta af launum hans og félagið á svo möguleika á að kaupa hann eftir tímabilið.
Samkvæmt enskum fjölmiðlum skrifaði Batshuayi undir framlengingu á samningi sínum við Chelsea og því fer hann ekki frítt næsta sumar.
Batshuayi skoraði á dögunum tvennu þegar Belgía vann 5-1 sigur á Íslandi.
Crystal Palace er spáð 15. sæti í spá fréttamanna Fótbolta.net fyrir tímabilið. Palace mætir Southampton í fyrsta leik í ensku úrvalsdeildinni á laugardag.
Batsman Returns. #CPFC | https://t.co/utMcYSDkhb pic.twitter.com/9n3xHPhsy2
— Crystal Palace F.C. (@CPFC) September 10, 2020
Athugasemdir