Spánn: Morata skoraði og lagði upp í sigri Atlético

Athletic Bilbao lagði Levante 2-1. Sergio Postigo kom gestunum í Levante yfir undir lok fyrri hálfleiks áður en Iker Muniain jafnaði metin á 57. mínútu. Það var svo Ander Capa sem tryggði Bilbao öll stigin með marki á 88. mínútu.

Atlético Madrid vann þá Espanyol 3-1. Það var sama sagan þar en gestirnir komust yfir á 38. mínútu. Madrídingar jöfnuðu undir lok fyrri hálfleiks með marki frá Angel Correa áður en Alvaro Morata gerði annað mark Atlético á 58. mínútu. Koke gerði svo út um leikinn í uppbótartíma.

Takefusa Kubo, leikmaður Real Madrid, er á láni hjá Real Mallorca en hann skoraði í 3-1 sigri liðsins á Villarreal. Þrjár vítaspyrnur voru dæmdar í leiknum og var skorað úr þeim öllum. Lago Junior og Dani Rodriguez skoruðu úr sínum spyrnum fyrir Mallorca á meðan Santi Cazorla skoraði fyrir Villarreal.

Úrslit og markaskorarar:

Athletic 2 - 1 Levante
0-1 Sergio Postigo ('45 )
1-1 Iker Muniain ('57 )
2-1 Ander Capa ('88 )

Atletico Madrid 3 - 1 Espanyol
0-1 Sergi Darder ('38 )
1-1 Angel Correa ('45 )
2-1 Alvaro Morata ('58 )
3-1 Koke ('90 )

Mallorca 3 - 1 Villarreal
1-0 Lago Junior ('13 , víti)
2-0 Dani Rodriguez ('24 , víti)
2-1 Santi Cazorla ('49 , víti)
3-1 Takefusa Kubo ('53 )