Fótbolti.net

mán 12. maí 2025 08:00

Ívan Guðjón Baldursson

Marinakis: Eðlileg viðbrögð á tilfinningaþrunginni stundu

Mynd: EPA

Nottingham Forest gerði 2-2 jafntefli í nágrannaslag gegn föllnu liði Leicester City í ensku úrvalsdeildinni í gær og voru sterkar tilfinningar ríkjandi.

Evangelos Marinakis, umdeildur eigandi Nottingham Forest, missti stjórnar á skapi sínu eftir lokaflautið og óð inn á völlinn til að eiga orð við Nuno Espírito Santo þjálfara liðsins.

11.05.2025 18:00

Eigandi Forest óð inn á völlinn eftir jafnteflið

Marinakis virtist skamma Nuno fyrir eitthvað, en þjálfarinn gerði lítið úr atvikinu í viðtali að leikslokum. Þjálfarinn segir samtalið hafa snúist um misskilning frá lokakaflanum þegar Forest spilaði hluta af leiknum einum leikmanni færri vegna ruglings í kringum meiðsli og skiptingar.

Það var mikið af tilfinningum í spilunum þar sem Forest er óvænt í baráttu um Meistaradeildarsæti í ensku úrvalsdeildinni, eftir um þriggja áratuga fjarveru frá Evrópukeppnum.

Gary Neville og fleiri fótboltasérfræðingar voru snöggir að fordæma hegðun Marinakis. Neville sjálfur fór svo langt að hann ákvað að hvetja Nuno til að segja upp þjálfarastarfinu og leita sér að betra tilboði frá öðru félagi.

Marinakis tók eftir allir þeirri neikvæðu umfjöllun sem atvikið fékk vegna hegðunar hans og birti yfirlýsingu til að útskýra mál sitt.

„Við vorum pirraðir útaf meiðslunum hjá Taiwo (Awoniyi). Læknateymið sagði að hann gæti haldið áfram, en svo kom í ljós að hann gat það ekki. Þessi viðbrögð eru eðlileg. Þau sanna ástríðuna sem brennur innra með okkur og þráir velgengni félagsins," segir meðal annars í yfirlýsingunni.

„Í dag er dagur til að fagna vegna þess að eftir 30 ára fjarveru mun Nottingham Forest taka aftur þátt í Evrópukeppni. Ég lofaði stuðningsmönnum þessu þegar við komumst upp í úrvalsdeildina og núna er það að rætast.

„Það eru tvær umferðir eftir af deildartímabilinu og er mikilvægt fyrir okkur að halda áfram að trúa þar til eftir síðasta lokaflaut tímabilsins. Allir innan félagsins eru stoltir af Nuno og starfsteyminu hans og við hlökkum til að fagna þessu afreki saman eftir tímabilið."

Nuno tók við stjórn á Nottingham þegar liðið var í harðri fallbaráttu í desember 2023 og hefur gert frábærlega í að snúa slöku gengi liðsins við á einu og hálfu ári.

		L	U	J	T	ms:	mf:	mun	Stig
1	Liverpool	38	25	9	4	86	41	+45	84
2	Arsenal	38	20	14	4	69	34	+35	74
3	Man City	38	21	8	9	72	44	+28	71
4	Chelsea	38	20	9	9	64	43	+21	69
5	Newcastle	38	20	6	12	68	47	+21	66
6	Aston Villa	38	19	9	10	58	51	+7	66
7	Nott. Forest	38	19	8	11	58	46	+12	65
8	Brighton	38	16	13	9	66	59	+7	61
9	Bournemouth	38	15	11	12	58	46	+12	56
10	Brentford	38	16	8	14	66	57	+9	56
11	Fulham	38	15	9	14	54	54	0	54
12	Crystal Palace	38	13	14	11	51	51	0	53
13	Everton	38	11	15	12	42	44	-2	48
14	West Ham	38	11	10	17	46	62	-16	43
15	Man Utd	38	11	9	18	44	54	-10	42
16	Wolves	38	12	6	20	54	69	-15	42
17	Tottenham	38	11	5	22	64	65	-1	38
18	Leicester	38	6	7	25	33	80	-47	25
19	Ipswich Town	38	4	10	24	36	82	-46	22
20	Southampton	38	2	6	30	26	86	-60	12