Orri Steinn er kominn með 2 mörk í La Liga.
Real Sociedad 1 - 0 Villarreal
1-0 Takefusa Kubo ('51 )
1-0 Takefusa Kubo ('51 )
Real Sociedad tók á móti Villarreal í eina leik kvöldsins í spænska boltanum og úr varð mikill baráttuleikur.
Bæði lið eru í baráttu um Evrópusæti og var staðan markalaus eftir afar tíðindalítinn fyrri hálfleik.
Heimamenn tóku forystuna snemma í síðari hálfleik þegar Takefusa Kubo skoraði eftir magnað einstaklingsframtak í skyndisókn. Sjáðu markið.
Villarreal skipti um gír eftir að hafa lent undir og sótti stíft en tókst ekki að koma boltanum í netið þrátt fyrir góðar tilraunir.
Heimamenn fengu einnig sín færi en hvorugu liði tókst að skora svo lokatölur urðu 1-0. Orri Steinn Óskarsson byrjaði á bekknum en var skipt inn á 83. mínútu í sigrinum.
Sociedad er í sjöunda sæti eftir þennan sigur, með 28 stig eftir 19 umferðir - tveimur stigum á eftir Villarreal sem situr í fimmta sæti.
Orri skoraði síðast fyrir Sociedad í nóvember en missti svo af sex leikjum vegna vöðvameiðsla og hefur ekki skorað síðan.
Athugasemdir
