Ég er mjög sáttur og stoltur af drengjunum. Frábær framistaða, skoruðum þrjú frábær mörk og vörðumst vel á móti góðu liði Fram sagði kampakátur Rúnar Páll Sigmundsson þjálfari Fylkis eftir góðan 3 - 1 sigur á Fram í kvöld.
Lestu um leikinn: Fylkir 3 - 1 Fram
Mér fannst við fínir síðustu 20 - 25 mínúturnar í fyrri hálfleik. Þeir byrjuðu þetta vel, við vorum soldið passívir. Þeir fengu mikinn tíma til að senda þessa löngu bolta út á kantana en sköpuðu í sjálfu sér ekkert mikið. Þetta mark var bara klaufaskapur hjá okkur, vorum ekki nógu aggresívir í seinni boltann.
En eftir það þá fannst mér við vera fínir og komum nokkuð sáttir inn í hálfleik og fannst við vera með tök á leiknum.
Fór eitthvað um þig þegar þeir fengu vítaspyrnuna?
Nei ekkert þannig. Maður hefur alveg séð það gerast áður að menn eru þrjú - eitt yfir og svo kemur þrjú - tvö og allt kreisí í lokin og annað slíkt en nei nei, jú auðvitað hundleiðinlegt að fá þetta víti en Óli gerði það frábærlega og sýnir og sannar að hann er einn af betri markmönnum þessarar deildar.
Umtalið um Fylkismenn í sumar hefur verið það að það er auðvelt að spá ykkur niður. Hvað segiru eftir leikinn í dag varðandi slíka umræðu?
Ég hlusta ekki á þessa þætti því miður og hlusta ekki á þessa umræðu. Ég er bara einbeittur að gera vel fyrir Fylki og búa til gott lið sem er samkeppnishæft í þessari deild og ég hlusta ekki á einhverja snillinga út í bæ vera að gagnrýna okkur.
Frábært að vera komnir upp úr fallsæti og vonandi verður progression í okkar leik og allt svona gefur okkur auka sjálfstraust og komum þvílíkt grimmir og ánægðir í Garðabæinn á mánudaginn á móti mínum gömlu mönnum og því frábæra félagi.
Nánar er rætt við Rúnar Pál í sjónvarpinu hér að ofan.
