,,Við erum ekki vanir að fá á okkur svona mörk og að þau komi tvö í sama leiknum á þriggja mínútna kafla er skelfilegt," voru fyrstu viðbrögð Páls Viðars Gíslasonar eftir leiks Þórs og ÍBV.
,,Það gerir okkur ótrúlega erfitt fyrir að þurfa að vinna þetta upp. Við þurftum að sækja meira en við lögðum upp með. Þessi tvö mörk í forgjöf voru fullmikið fyrir okkur þrátt fyrir að fyrir utan þau höfum við verið á pari við þá," en Srdjan Rajkovic, markvörður Þórs, átti tvenn skeflileg mistök sem kostuðu tvö mörk.
,,Markmenn gera mistök eins og aðrir leikmenn, vandinn er að þau eru yfirleitt meira áberandi en hjá útileikmönnum. Ég er með tvo frábæra markmenn og Rajko hélt haus allan seinni háfleik og fékk ekki á sig mark en álit mitt á þeim hefur ekkert breyst."
Viðtalið má sjá í heild sinni hér fyrir ofan.
