Mjólkurbikar kvenna: Agla María skoraði þrennu í sigri Blika

Breiðablik er annað liðið til að tryggja sér sæti í undanúrslit Mjólkurbikarsins en FH var fyrst til þess eftir sigur á ÍBV fyrr í kvöld.

Breiðablik heimsótti Þrótt sem lagði Val í síðustu umferð en Blikar völtuðu yfir Fram 7-0.

Agla María Albertsdóttir var frábær í kvöld og skoraði þrennu í fyrri hálfleik og tryggði Blikum sigurinn. Þróttarar náðu engan vegin að ógna Blikum og öruggur sigur staðreynd.

Átta liða úrslitunum lýkur á morgun með tveimur leikjum. Víkingur fær Selfoss í heimsókn annars vegar og Keflavík fær Stjörnuna í heimsókn hins vegar.