Mynd: EPA

Danilo gerir sex og hálfs árs samning við Forest, sem er langtímasamningur í stíl við þá sem Chelsea er að gera við nýja leikmenn sína. Brassinn er því samningsbundinn Forest til 2029.

Danilo er 21 árs gamall og var lykilmaður í liði Palmeiras. Hann er annar leikmaðurinn sem kemur til Forest í janúar eftir Gustavo Scarpa sem kom á frjálsri sölu - einnig frá Palmeiras. Danilo og Scarpa unnu Copa Libertadores, suður-amerísku Meistaradeildina, í tvígang með Palmeiras.

Danilo fær treyju númer 28 hjá Forest og segist vera í skýjunum með skiptin. Hann hafi alltaf dreymt um að spila í ensku úrvalsdeildinni.